Drejtuesit e bashkive Korcë, Kukës e Dibër u kanë bërë thirrje poseduesve të mjeteve motorike të bëjnë kujdes gjatë lëvizjes sepse rrugët nacionale dhe rurale janë të mbuluara nga akulli dhe bora. Sipas tyre ata duhen udhëtojnë me shpejtësi të reduktuar, duhet të vendosin zinxhirët si dhe të zbatojnë urdhërat dhe porositë e Policisë Rrugore. Këto bashki kanë angazhuar mjete e fuqi punëtore për të lehtësuar lëvizjen e makinave. Në se rrugët nacionale mirëmbahen nga firma që kanë fituar tenderat, rrugët rurale po mirëmbahen nga njësitë vendore. Meteorologët parashikojnë mot me reshje bore dhe ngrica deri nga fundi i janarit.
Ndërkohë ditën e nesërme rrymat e
ftohta do të depërtojnë më thellë në territorin tonë duke sjellë mot me
kthjellime e vranësira në zonat bregdetare e ato të ulëta, ndërsa në zonat
malore kryesisht në Jug-Lindje reshje të izoluara dëbore. Sa i përket erës, do
të dominojë era me drejtim nga Verilindja-Lindja me shpejtësi 1-5m/sek, e hera
herës e vrullshme në bregdet deri 15m/sek, shoqëruar me valëzim mesatar të
forcës 2-3 me lartësi vale 0.7-1.5 metër në detet Adriatik e Jon.
Temperaturat do të pësojnë rënie të mëtejshme, duke u shoqëruar me prani të
fortë të ngricave e mjegullës, kryesisht në zonat malore dhe në qafat e maleve.
Më konkretisht temperaturat parashikohen:
Zonat malore -10° deri -3°C
Zonat e ulëta -3° deri 5°C
Zonat bregdetare -2° deri 6°C