I kemi adhuruar gjithmonë filmat fantastiko-shkencor, me pamje magjike nga hapësira, të cilat tashme mund t’i shohim edhe në realitet, pasi në 2025 hap dyert hoteli i parë në hapësirë.
Si përfundim teknologjia po avancon me shpejtë se c’mund të imagjinonim. Brenda pak viteve hapësira do jetë e ‘prekshme’ nga të gjithë, si një destinacion turistik. Kushdo që adhuron këtë ide dhe ka dëshirë të shpenzojë një pasuri të tërë deri atje, ka mundësinë që ta bëjë realitet këtë ëndërr.
Shoqëria “The Gateway Foundation”, njoftoi se po planifikon shumë shpejtë hotelin e parë në hapësirë, i cili do të hape zyrtarisht dyert e tij në 2025.
Qëllimi i kësaj shoqërie është të dërgojë 100 turista cdo javë, për të udhëtuar në hapësirë. Hoteli do të marrë emrin e shkencëtarit Wernher von Braun, karriera e të cilit nisi në vitet ’30, i cili më vonë u bë drejtor në Marshall Space Flight Center, Nasa.
Hoteli Von Braun Space, po dizenjohet nga arkitekti Tim Alatorre, i bazuar në skica të cilat i ka dhënë vetë Braun në vitet ’50, do të jetë në formë rrote dhe do të ketë diametër 190 metra, me teknologjinë e gravitetit artificial, do t’i jape vizituesit mundësinë të jetoje në këtë hotel në hapësirë. Brëndësia e hotelit do të jetë minimaliste në stil.
Gateway Foundation shpreson që nga momenti i hapjes së dyerve të këtij hoteli, publiku të përgjigjet pozitivisht dhe të shijojnë këtë aventure në hapësirë.