Kryetari i Partisë së Lirisë, Ilir Meta, ka qenë i ftuar në emisionin “Të Paekspozuarit”, ku ka folur për garën elektorale në Bashkinë e Tiranës dhe veçanërisht për kandidatin Belind Këlliçi.
Meta ka debatuar me Ylli Rakipin lidhur me premtimin e Këlliçit për “autobus falas”, ndërkohë që gazetari e ka pyetur se përse kandidati i koalicionit “Bashkë Fitojmë”, nuk flet për oligarkët, kullat dhe pastrimin e parave.
Pjesë nga biseda:
Ylli Rakipi: Zoti Këlliçi ishte në emisionin tim dhe e kam pyetur, a mund të më shpjegosh, një nga kazuset e opozitës që janë oligarkët, i thashë që keni targetuar oligarkinë, por kush janë këta oligarkë? Ai tha pse më provokon. Ky nuk donte të fliste. Propozimet e tij janë populiste. I mungon denoncimi i problemeve të mëdha, oligarkisë, kullave, pastrimi i parave dhe ka dalë me propozimin e autobusëve falas. Tani ka dalë për autobus falas në fshat….
Ilir Meta: Pastrimin e parave nuk e ka drejtpërdrejt ai.
Ergys Mërtiri: Duhet thënë. Kush janë njerëzit që bëjnë ndërtimet? Kush janë ortakët e Edi Ramës?
Ylli Rakipi: Po që të merrni vota me autobus falas ju, nuk di ç’të them…
Ilir Meta: Ai mendon se në këtë mënyrë po jepet një zgjidhje për trafikun, për ndotjen, për shumë qytetarë që përdorin këtë sistem, gati 200 mijë vetë.
Ylli Rakipi: Një eksponent i rëndësishëm i PS më tha është budallëk që nuk i thonë, por më duket se marrin lekë vetë nga oligarkët prandaj nuk i thonë.
Ilir Meta: Oligarku më i madh është Edi Rama 7.1 milionë metër katrorë leje ndërtimi ka dhënë kryetari aktual.
Ylli Rakipi: Nuk po themi që Këlliçi është i korruptuar, sepse s’ka patur mundësi, gjithë jetën në FRPD ka qenë ai. Por me këtë të autobusëve duket si budalla…
Ilir Meta: Ashtu të pëlqen ty ta paraqesësh, unë nuk të pengoj dot ty ta mendosh kështu.
Ylli Rakipi: Duke mos prekur oligarkët… Mendoni se do merrni votat e oligarkëve, ata i ka Rama dhe Veliaj.
Ilir Meta: Vendimet e tij nuk do të jenë në favor të oligarkëve, por të qytetarëve. E dyta, jap garanci për kandidatët për këshillat bashkiak, të jenë garantë për transparencën absolute.
Ylli Rakipi: Autobusin nuk e ka shpikur Ilir Meta sepse nuk është budalla.