Sali Berisha i është rikthyer sulmit ndaj ish kreut të SHISH Fatos Klosi.
Ish kryeministri ka akuzuar Klosin si organizator të vrasjes së ish-ministrit kosovar të Mbrojtjes Ahmet Krasniqi, i cili u ekzekutua në Tiranë në shtator të vitit 1997.
“E kam njohur dhe ruaj për të kujtimet më të mirë e më të madh. Ka qenë një burrë i rrallë fisnik. Ka ardhur në zyrën time, një herë me Bujar Bukoshin, pastaj vetëm, me kërkesën që të bashkëpunoja. Ishte burrë fisnik. ShIK-u shqiptar dhe Fatos Klosi, autori kryesor i vrasjes.
Ai shoqërohej nga oficerë të SHIK gjatë qëndrimit në Shqipëri. Ahmet Krasniqi, 24 orë para, i marrin atij dhe rojeve, armët.
E çarmatosin për ta ekzekutuar. Në momentin e vrasjes ka qenë dy oficerë të SHIK-ut, nuk kanë qëlluar, por e kanë mbajtur për ta vrarë. 1 ose 2 të maskuar kanë qëlluar mbi.
Ngjarja është kryekëput vrasje shtetërore e qeverisë shqiptare. Vrasje në pabesinë më të madhe, në besën e tyre.
Autori kryesor është Fatos Klosi, që në qeverinë time ndiqej si bashkëpunëtor i dy shërbimeve të huaja.
Pse nuk është zbardhur kurrë? “Sepse për fatin e keq të Shqipërisë prokurorët qëlluan të ishin besnikë të PS. Kjo është e vetmja arsye. Kur u bëra kryeministër jam përpjekur shumë.
Nëse bëhet një hetim serioz del se autori është Fatos Klosi. Dihen me emra oficerët e SHIK që kanë qenë aty”, tha Berisha.