Sali Berisha ka komentuar sot, për herë të parë, një foto të publikuar, ku është ai dhe Enver Hoxha.
Berisha tha se ka qenë i ftuar në ditëlindjen e Liljana Hoxhës, të resë së Enverit.
Gjithashtu, Berisha u pyet në “Opinion” për persekutimin e një mjekeje kardiologe e quajtur Margarita Kostaqi.
“Është shpjeguar qartësisht nga ish-mjeku i Enver Hoxhës, Isuf Kalo. Nëse sheh një intervistën timen, ai që po drejton sot emisionin (Blendi Fevziu), më pyet a e ke takuar ndonjëherë personalisht Enver Hoxhën. Po, – i them, – Enver Hoxha ka kaluar pranë meje. Me sa mbaj mend, aty kemi qenë në datëlindjen e Liljana Hoxhës. Isha aty si bashkëpunëtor i revistës “Shkenca dhe Jeta”.
Sa i përket shoqes time Margarita Kostaqi, unë e kam treguar që ajo më ka përqafuar në publik. E ka përmendur dhe Edi Rama në Parlament, duke më thënë se kam persekutuar një shoqe. Margarita Kostaqi dhe i shoqi janë dëbuar pas vdekjes së Mehmet Shehut. Të gjitha të tjerat janë trillim, sepse unë sekretar partie kam qenë në vitin 1979″, shpjegoi Berisha.