Deputeti i PS-së, Erion Braçe ka reaguar pas apelit të Sali Berishës për protestë. Kreu i PD-së i bën thirrje fëmijëve që të mos shkojnë në shkollë, por të protestojnë kundër mbylljes e TikTok. Për Braçen kjo thirrje tregon se Berisha mund të ketë probleme mentale.
Ai ka ndarë video nga një shkollë në Tiranë, Besnik Sykja dhe thotë se kjo thirrje është një tmerr. Lajmin për mbylljen e TikTok e dha dje ministrja Manastirliu dhe Rama pati një reagim.
”Çfarë duhet të jesh që t’i thërrasësh një fëmije: mos shko në shkollë se të kanë mbyll TikTok! Por rri në TikTok, mos mëso, se po të mësosh të bën dëm.
Mos nxë se po të nxësh të bën dëm, por të lexosh e të rrish në TikTok. Duhet të kesh probleme të mëdha, shumë të mëdha mentale që t’i thuash një fëmije që po të pengojnë lirinë e shprehjes.
Po ta pengojnë lirinë e shprehjes se kanë mbyllur TikTok. Nuk e di po është një tmerr, një tmerr që vazhdon dhe hyn në veshët e çdo fëmije. Hyn në veshët e çdo prindi që praktikisht do që fëmija i tij të bëhet i ditur. Dhe i ditur përmes kallashnikovëve në TikTok nuk bëhesh”, tha Braçe.