Ish-kryeministri Sali Berisha e përjashton mundësinë për përsëritjen e një “8 Janari” të dytë, për të marrë me forcë selinë e Partisë Demokratike.
I pyetur nëse do të tentojë të marrë selinë blu, pas rezultatit të zgjedhjeve të pjesshme të 6 Marsit, Berisha tha se selia dhe logo mbeten në PD-së, ndërsa Basha “s’do të mund ta mbajë më të pushtuar”.
“Padiskutim që selia është e PD, logo është e PD, por ne do të marrim vendimet në kohën e duhur. Nuk mund të heqim dorë, sepse janë vendime të një kuvendi që solli këtë rezultat, 31%…s’mund të hiqet dorë kursesi! Unë mendoj që nuk do të mund ta mbajë të pushtuar selinë ai. Mesazhi i 6 Marsit do të interpretohet mirë nga çdo demokrat”, u shpreh Berisha.
Berisha tha më tej se në rast të ri-unifikimit të PD-së, Basha nuk do të jetë i përjashtuar, por sipas tij kreu i PD-së “është një njeri pa vlerë”.
“Ai në zgjedhjet e ardhshme nuk kap as pragun. Është njeri pa asnjë vlerë, nuk ka të përsëritur këto 30 vite. Merr çështjet penale të tij, edhe me dosjen Muzin, edhe me Toyota Yaris. E pe që u nis dhe nuk shkoi dot se ata që kanë dosjen nuk ta falin. Prapë e kishte mashtruar prokurorinë belge.
Mirë që s’u kishte thënë ma ka sjellë qytetari dixhital. Ne nuk e largojmë, po të dojë të vijë të hyjë në zgjedhje, por të paktën… falendero ata që punuan dhe ti i mashtrove. Ishte masakër tha në mëngjes. Fuga është drejtuesi kryesor i marrëdhënieve publike të tij, për të mos thënë të tjera”, u shpreh Berisha.