Garda e Republikës ka reaguar pas deklaratës së ish kryeministrit Sali Berisha se i janë hequr truprojat. Në reagimin e saj Garda thotë se sipas ligjit, kryeministri i vendit përfiton shërbim ruajtje për një periudhë tre vjeçare pas përfundimit të detyrës. Por në fakt, Berisha nuk është kryeministër që prej pesë vitesh, që do të thotë se truprojat duhet të ishin që dy vite para.
Garda e Repubikës reagoi pasi ky fakt u bë publik nga vetë ish kryeministri Sali Berisha.
“Në përgjigje të interesit të disa mediave, lidhur me truprojet e zotit Sali Berisha, Garda e Republikës informon se në zbatim të Nenit 5, të Ligjit Nr. 8869, datë 22.5.2003 “Për Gardën e Republikës së Shqipërisë” i ndryshuar, ku përcaktohet se Kryeministri i vendit përfiton shërbim ruajtje për një periudhe 3-vjeçare pas përfundimit të detyrës, është ndërprerë vijimi i mëtejshëm i këtij shërbimi”, thotë Garda.