Komisioni i Rithemelimit ka shtyrë mbajtjen e Kuvendit të 22 marsit në 30 prill. Por pse u shty Kuvendi? A po përpiqen të fitojnë kohë për të parë se çfarë do të ndodhë brenda selisë blu?
Ish-lideri i demokratëve, Sali Berisha i ftuar në “Ora e Betit” u shpreh se Komisioni i Rithemelimit është Grup Parlamentar i PD, nuk kanë krijuar grup të veçantë.
Berisha: Asnjë masë e Lulzim Bravës nuk ka efekt, është i përjashtuar. Ne jemi Grupi Parlamentar i PD-së. Deputeti zgjidhet, nuk përjashtohet nga grupi dot. Më 30 prill do zgjidhen mbi bazën e parimit një anëtar një votë, forumet e partisë. Kryetari nuk zgjidhet në Kuvend, hapet gara për kryetar nga anëtarësia. Të gjithë janë të mirëpritur, përfshi dhe zotin Basha nëse do t’i nënshtrohet votës. Kam pasur komunikim me disa deputetët dhe do vazhdoj të kem. Nëse duan të kandidojnë për anëtar kryesie janë të mirëpritur. Është një proces diskutimi që po bëhet, nuk i bashkohen grupit tim, i bashkohemi të gjithë bashkë. Ne nuk jemi ndarë, Basha ka dashur të na ndajë, ne kemi qëndruar në grup.