Analisti dhe ish-ministri i Jashtëm, Besnik Mustafaj ka analizuar në detaje zhvillimet politike në vend.
Ai foli edhe për një marrëveshje mes kryeministrit Rama dhe kryedemokratit Basha.
“Mund të bëhet edhe një marrëveshje e dytë. Ne duhet të gjykojmë me fakte.
Ne kemi numrin dy të PD, i cili doli dhe e përgënjeshtroi këtë gjë.
Nga marrëveshja e pare, Basha ka nxjerrë përfundimet e tij. Ka një mosbesim të madh nga Basha ndaj Ramës.
Nuk besoj se është arritur një marrëveshje e fshehtë.
Presidenti i është drejtuar në mënyrë institucionale agjencisë kombëtare që presupozohet se ka dhënë informacion për të nxjerrë nga arkiva dhe për t’ia vënë në dispozicion Komisionit Hetimor.
Komisioni hetimor e përfshinë brenda platformës nëse ka dyshime për këtë informacion. Unë do të doja të kishte një fillim dialogu,” tha Mustafaj në News24.