Tjetër ngjarje e rëndë në Bulqizë.
Pas vdekjes së minatorit 60 vjeçar, një i ri humbet jetës teksa gjuante për peshk në lumin e fshatit.
Burime pranë drejtorisë së Policisë Dibër bëjnë me dije se 30 vjeçari gjuante peshk me gjenerator dhe ka rënë në kontakt me rrymën.
Njoftimi i Policisë Bulqizë
Rreth orës 17.30, në lumin e fshatit Sofraçan, shtetasi K.K., rreth 30 vjeç, duke peshkuar, dyshohet me gjenerator ka rënë në kontakt me rrymën elektrike, dhe për pasojë ka humbur jetën. Grupi hetimor po kryen hetimet për zbardhjen e rrethanave të ngjarjes.