Producenti Erjon Zaloshnja, i njohur si ish- bashkëshorti i këngëtares Eneda Tarifa ka bërë me dije se biznesit të tij i ka ardhur një përgjigje negative për të përfituar nga “paga e luftës”.
Përmes një postimi në “Facebook”, ai shprehet i indinjuar nga përgjigja e qeverisë, ku sipas tij qenka lejuar të punojë, megjithëse nuk ka lënë njeri të dalë nga shtëpia.
Më tej Zaloshnja ngre pyetjen: ‘Sesi mundeta ai të bëjë prodhime dhe shërbime audiovizive, të organizojë apo mundësojë teknikisht koncerte, kur grumbullimet janë ndaluar, këtë nuk ka algorithem apo Inteligjencë Artificiale që e gjen’.
Postimi i plotë:
Biznesit tim i erdhi pergjigja se nuk perfitoj ndihme financiare pasi lejohet te funksionoje. Pra askush nuk qenka ndaluar te punoje? Per cfare u be gjithe kjo zhurme? Paska qene tip gallate gjoja ndihma, gjoja ka rene virus, gjoja pandemi, se qeveria i paska lejuar te gjithe te punojne, pavaresisht se ska lene kembe robi te dale nga shpia. Sesi mundem une te bej prodhime dhe sherbime audiovizive, te organizoj apo mundesoj teknikisht koncerte, kur grumbullimet jane ndaluar, kete ska algorithem apo Inteligjence Artificiale qe e gjen.
