Sekretari amerikan i Shtetit, Anthony Blinken pati një takim këtë javë me homologun kinez për të folur mbi marrëdhënien e dy superfuqive. Si do të duket konkurenca mes tyre? A do të shkojmë drejt një lufte të re të ftohtë? Këto pyetje do të marrin përgjigje në vitet në vijim. Ndërkohë, për të ndërtuar një konkurencë të shëndetshme, presidenti amerikan Biden dhe homologu Xi priten të bisedojnë në javët në vijim me njëri-tjetrin.
Amerikanët janë të shqetësuar për lidhjen më të ngushtë të Kinës me Rusinë dhe lufta në Ukrainë, teksa kinezët kanë shprehur shqetësime për Tajvanin dhe atë që e kanë cilësuar ndërhyrje amerikane në Azi – Paqësor.
Për amerikanët Kina nuk po mban një qendrim neutral ndaj luftës në Ukrainë, por po mbështet propagandën ruse duke qëndruar krah tyre në Kombet e Bashkuara. Për kinezët, amerikanët po kalojnë një periudhë sinofobie. Ata kërkojnë nga amerikanët që të anulojnë tarifat e vendosura nga administrate Trump dhe ajo Biden për të ndërtuar një marrëdhënie më të shëndetshme.
Temë e bisedës mes dy diplomatëve ishte edhe biseda telefonike në javët në vijim mes dy liderëve, Joe Bidenit dhe Xi Jinpingut. Amerikanët kanë përcaktuar Kinën si një konkurent të fortë strategjik afatgjatë. Ekspertët ndërkohmëbtarë të politikave ekonomike dhe ushtarake flasin për një konkurencë të shëndetshme të superfuqive, për të mos e çuar botën në recession ekonomik apo luftra në rajone të ndryshme të globit.
Takimi mes dy kryediplomatëve u zhvillua në Bali, në kuadët të G20-ës, ndërsa dy liderët pritet të zhvillojnë një bisedë telefonike në javët në vijim.