Policia e Tiranës ka çuar për ndjekje penale kryetarin e PD-së, Lulzim Bashën për protestën e zhvilluar ditën e djeshme, ku opozita bllokoi 5 pikat kyçe të akseve rrugore në të gjithë vendin.
Express mëson se përveç Bashës, Policia ka kallëzuar penalisht edhe deputetët që morën pjesë në këtë protestë, Arben Ristanin, Oerd Bylykbashi, Gerti Bogdani, Flamur, Eduart Halimi, Gent Strazimiri, Asllan Dogjani, Igli Cara, Kastriot Islami, Genc Pollo, Keltis Kruja, Edi Poloka.
Po ashtu, burime nga policia bënë me dije se materialet hetimore në lidhje me protestën e djeshme janë referuar në Prokurorinë e Rrethit Gjyqësor Tiranë edhe për 85 persona, të cilët janë evidentuar nga ana e bluve të kryeqytet si bllokues të rrugëve në Tiranë.
Mësohet se ndaj tyre, policia ka ngritur akuzën e organizimit dhe pjesëmarrjes në tubim të paligjshëm duke penguar qarkullimin e mjeteve të transportit. /TiranaNews/