Pas vendimit të Gjykatës së Posaçme për Luftrat e Krimit të Organizuar (GJKKO) për të lënë në fuqi masën e sigurisë “arrest me burg” për ish-presidentin Ilir Meta, sekretari i Përgjithshëm i Partisë së Lirisë, Tedi Blushi, ka mbajtur një konferencë për mediat.
Blushi e quajti vendimin “politike të kamikazëve të ramaformës” dhe e cilësoi atë si një akt të rëndë që tregon rënien e shtetit ligjor në Shqipëri.
Ai akuzoi GJKKO-në se është e kapur nga mafia ndërkombëtare dhe e urdhëruar nga Edi Rama.
“Vendimi i sotëm politik të kamikazëve të ramaformës në GJKKO, apo Gjykatën Kombëtare Kundër opozitës, për të lënë në burg politik, pa prova dhe pa fakte, presidentin e Partisë së Lirisë, Ilir Meta, i ndikuar nga mafia ndërkombëtare dhe i urdhëruar personalisht nga Edi Rama është akt i rëndë që tregon rënien e shtetit ligjor. Tregon kapjen për fyti dhe asgjësimit të drejtësisë të vendosur në shërbim të pushtetit.
Ky vendim i turpshëm, i neveritësh, i papranueshëm, kundër opozitës, konfirmon rëshqitjene Shqipërisë në diktatorë, ëshë vijim i agresionit të pastër terrorist të narkoshtetit dhe mafies ndërkombëtare kundër presidentit Ilir Meta, PL, opozitarizimit të vërtetë, demokracisë, që u konsumua sot në sallën e gjyqit”, tha Blushi.