Gazetarja Danjela Maloku tregoi në Repolitix prapaskenat pas bojkotit të opozitës këtë javë në komisionet hetimore. Ajo thekson se ka shumë deputetë të PD-së që janë të pakënaqur me këtë vendim, pasi së shpejti pritet të miratohet buxheti dhe do ketë diskutime që duhen bërë në komisione.
“Dua të sqaroj nuk ka patur vendim të grupit të marr vendim për bojkot të komisioneve. Ka qenë mesazh i Bardhit në grupin e Whatsapp se nga e hëna gjatë kësaj jave do kishte bojkot në shenjë revolte. Por për shkak të peshës të komisionit të integrimit do shkonte në komision vetëm Tabaku dhe Paloka. Nuk qëndruan në mbledhjen me dyer të mbyllura. Lexuan një deklaratë politike. Po ashtu edhe interesantja u bojkotua një komision hetimor për koncesionet në shëndetësi. Komisioni hetimor u ngrit pas një periudhe kaosi ku opozita kërkonte me ngulm komisione hetimore.
E ngritën vetë me shumë sforco. Jo të gjithë deputetët demokrat janë dakord me bojkotin e komisioneve parlamentare. Jo të gjithë deputetët janë të kënaqur. Shprehin pakënaqësi. Duan të marrin pjesë në komisione. Jemi në prag të buxhetit. Nesër do mblidhet serish grupi. Nëse përjashtohen 24 deputetë kush do bëjë aksionin në parlament. Mund të ketë protestë jashtë, përplasje me gardën. Do jenë dhe deputetët që mund të mbajnë aksionin brenda. Ka patur dhe vendim politik të PD-së, që nuk do njoh më bojkot. Berisha e justifikoi që është e përkohshme.”