Bordi i Transparencës ka ndryshuar sërish çmimet e karburanteve.
Bordi ka vendosur të ulë me 3 lekë çmimin e naftës, nga 221 lekë për litër që ishte dy ditë më parë në 218 lekë/litri.
Gjithashtu çmimi i benzinës është ulur me 4 lekë, nga 204 lekë litri do të kushtojë 200 lekë/litri.
Çmimi i shitjes me pakicë i nënproduktit gaz, do të jetë 71 lekë/litri kurse i gazoilit për peshkim është vendosur 121 lekë/litër.
Çmimet e caktuara nga Bordi do të hynë në fuqi në datë 18 Nëntor, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.