Vjehrri aristokrat i strategut personal të kryeministrit, Sir Humphrey Wakefield, ka treguar se kryeministri është sëmurur një herë me koronavirus dhe nuk mund të rikthehet në ritmet e mëparshme.
“Nëse rivendos në punë një kalë të plagosur ai nuk do të shërohet kurrë”, tha Wakefield duke iu referuar shtrimit në spital në prill me koronavirus, të kryeministrit 56 vjeçar.
Kryeministria britanike është detyruar të mohojë pretendimet e ngritura se Boris Johnson do të dorëhiqet brenda disa muajsh, pas jehonës në media të një pretendimi të ngjashëm nga familjarët e këshilltarit të tij personal.
Mirëpo është thënë se virusi mund të shkaktojë disa pasoja në organizëm, dhe do bëjë që personi ta marrë veten me ritme të ngadalta.
Profesori britanik David Heymann tha në qershor:
“Ne ende nuk e dimë se çfarë mund t’i ndodhë të mbijetuarve nga ky infeksion, por kemi pasur raste reagimesh të zgjatura të efekteve në mushkëri si mungesa e frymëmarrjes”.
Ndaj do na duhet të presim për mënyrën se si organizmi i kryeminstrit britanik do reagojë pas mposhtjes së virusit e nëse fjalët për tërheqjen nga qeveria janë të vërteta.