Banorët u emocionuan teksa morën mesazhet e radhës në Big Love, por një mesazh i veçantë shkaktoi entuziazëm të madh. Ishte në emër të futbollistit të Kombëtares Shqiptare, Armando Broja, dhe sapo banorët panë emrin e tij, nisën brohoritjet.
Gjesti mbeti i hutuar dhe pyeti: “Kush është?”. Laerti menjëherë i shpjegoi: “Është futbollist i kombëtares, lexo”. Në sfond, Rozana dëgjohet: “Armando Broja o njeri!”.
Gjesti, i habitur, u përgjigj: “Hej bro, unë s’e di, s’jam i informuar për futbollin këtu”. Në mesazh, Broja shkruante: “Gjesti na kënaqe o vëlla, veç për ty po e shikoj këtë Big. Të presim me fitore. Loja ka puls edhe dashuria, por ti nuk do të nxjerrësh djalin e dashuruar. Nuk është turp, vëlla. Nuk ka më bukur se dashuria”.
Gjesti e falënderoi dhe e përshëndeti futbollistin, duke e vlerësuar mesazhin si një surprizë të këndshme.