Shumë shpejt, në televizionet shqiptare, ‘Youtube’ dhe në rrjetet sociale do të transmetohet projekti më i ri nga Roza Lati, një ‘reality show’ që do të quhet ‘Bukë me vete’. Kontaktuar nga ‘RevistaWho.Com’, moderatorja ka zbuluar se në fakt ky projekt është menduar që para 2 vitesh, nga vetë ajo dhe 2 miqtë e saj, ku gjithçka ka nisur me një ide për kamper në jug të Shqipërisë. Ky format do të jetë një ‘reality show’ në lëvizje, ku në qendër do të jenë vendet me interes turistik, duke përfshirë këtu natyrën, detin, liqenin dhe objektet me trashëgimi kulturore. Transporti do të kryhet me një rulo të rrethuar me kamera, duke transmetuar te publiku në këtë mënyrë çdo emocion të vërtetë. Pyetur nga gazetaret e ‘RevistaWho.Com’ se cila është arsyeja që ky format ka marrë emrin ‘Bukë me vete’, Roza është përgjigjur kështu: “Të jesh me kamper do të thotë të jesh me shtëpi me vete dhe shprehja ‘Bukë me vete’ është një shprehje e popullit shqiptar dhe dëshira ime është të marrë personazhe publikë dhe stilin e tyre, borgjezllëkun e tyre, që bie në nivelet e ‘vintage’, në nivelet e ‘Bukë me vete’, siç jemi rritur”.
Përveç kamperit, ky format do të përmbajë sporte të ndryshme në natyrë, do të organizohen ‘party’ me 12 të ftuarit ‘VIP’, do të shohim arkitekturë dhe do të njihemi me kulturën e vendeve që ndoshta nuk i kemi dëgjuar më parë, aktivitete të ‘çmendura’ si hedhje me parashutë, apo ‘barbeque’ diku rreth një zjarri në natyrë. Këto dhe shumë të tjera do të mund t’i shohim në vetëm një emision, por ç’është më e rëndësishmja, çdo ndjenjë dhe emocion do të jetë i vërtetë./revistawho/