Prej tri ditësh banorët e Buqlizës në qarkun e Dibrës nuk kanë ujë të pijshëm. Burime pranë ujësjellës-kanalizimeve bëjnë me dije se tubacionet e ujësjellësit kanë ngrirë duke penguar qarkullimin e ujit nga burimi deri te konsumatorët. Ndërhyrja për zgjidhjen e këtij shqetësimi është e pamundur. Vetëm rritja e temperaturave do të mundësonte furnizimin me ujë të qytetarëve dhe enteve në këtë qytet. Nuk dihet se si do të veprohet nesër për furnizimin me ujë të shkollave, kopshteve, cerdheve, spitalit, e objekteve të tjera social-ekonomike. Specialistë të UK Bulqizë shprehen se menjëherë pas rritjes së temperaturave do të ketë defekte të shumta në rrjetin kryesor dhe atë që furnizon konsumatorët, pasi do të ketë carje të tubacioneve dhe cisternave, ashtu sic ndodh sa herë ka ngrica.
Add A Comment