Policia e Bulqizës zbardh detaje të reja rreth ngjarjes tragjike që ndodhi pasditen e sotme në fshatin Kocaj të Fushë Bulqizës.
Familja Cupi po pastronte ferrat dhe shkurret në afërsi të tokës së tyre. Mes tyre janë gjetur nga fëmijët tri granata luftarake, të hedhura ndoshta aty gjatë trazirave të vitit 1997. Ato janë nxjerrë në livadh dhe njëra prej tyre është goditur me një dru nga Mirand Cupi.
Goditja ka qenë fatale për jetën e 11 vjecarit dhe shëndetin e motrës së tij, 9 vjece. Pas shpërthimit të granatës Mirandi ka ndërruar jetë në vend, ndërsa e motra është plagosur rëndë. Ajo po kurohet në Spitalin e Traumës Tiranë.
Sakaq Policia e Bulqizës ka kërkuar ndihmën e specialistëve xhenierë për të eleminuar dy granatat e tjera që u gjetën nga fëmijët. /tirananews.al/