Një investim i rëndësishëm ka nisur këto ditë në afërsi të stadiumit “Liri Ballabani”, në qytetin e Burrelit.
Bashkia Mat ka mundësuar sigurimin e fondeve për të ndërtuar një fushë sportive bashkëkohore në aneksin e stadiumit aktual.
Puna ka nisur me sistemimin e fushës ekzistuese, hapjen e kanaleve dranazhuese, sigurimin e inerteve të nevojshme dhe hedhjen e tapetit.
Aneksi i stadiumit të Burrelit do të zgjidhë përfundimisht një problem gangrenë për skuadrën matjane të futnollit, atë të stërvitjes së ekipit të të rriturve dhe moshave.
Tapeti i kësaj fushe do të jetë sintetik, dhe do të jetë multifunksionale pasi do të ketë edhe kalçeto.
Ngritja e ekipeve zinxhirë do të bëjë që edhe të rinjtë që duan futbollin të kenë kushte dhe ambjente më të mira stërvitjeje.
Mësohet se punimet në këtë aneks do të përfundojnë brenda 4 muajve.
