Një video e një propozimi martese po bën xhiron e rrjetit këto ditë, për shkak të veprimit të vajzës. Në këtë video, shihet një djalë i ri, i cili ka përgatirur një propozim për të dashurën e tij në aeroportin e Katanias, ku në një tollumbace shkruhej “A do të martohesh me mua?”, si dhe një unazë dhe një buqetë me lule po priste ardhjen e vajzës.
Në këtë video që është publikuar nga “Corriere della sera”, djali shihet teksa kur vjen e dashura e tij me një valixhe në dorë, ai e puth dhe i jep lulet ndërkohë që më vonë ulet në gjunjë dhe i propozon. Njerëzit përreth kanë mbetur të habitur dhe kanë filluar të gjithë t’i filmojnë.
Mirëpo, ndonëse vajza u emocionua pa masë, ajo i dha përgjigjen që nuk pritej të dashurit të saj. Ajo i ka thënë ‘Jo’ dhe më pas është larguar drejt mamasë së saj që sipas mediave ka pasur ndikim në vendimin e vajzës.