Politikanët shqiptarë janë ngutur sot për të uruar vitin e 11-të të shpalljes së pavarësisë së Kosovës. Kryeministri i nisi ditën me urimin mirëmëngjes, i cili sot i kushtohej pikërisht pavarësisë së Kosovës.
Presidenti Ilir Meta gjithashtu ka pasur një urim për shtetin më të ri në Evropë.
Përjashtim (të paktën deri tani), bën vetëm zv.Ministri për Europën dhe Punët e Jashtme Gent Cakaj. Nuk dihet cila ka qenë arsyeja që e ka shtyrë z.Cakaj të kursehet tek një urim për vendin e tij, ndryshe nga kolegia e tij prej Kosove në qeverinë e Shqipërisë, Besa Shahini.
Kjo “mungesë” vëmendje, nëse mund ta cilësojmë të tillë bëhet akoma dhe më rendë për Cakaj ndërkohë që duke nisur nga Kryeministri Rama por edhe zëra të tjerë nuk hezituan që refuzimin e Presidentit të Republikës Ilir Meta për ta dekretuar si Ministër të Jashtëm e lidhën si një sjellje jo ndaj tij, por ndaj popullit të Kosovës. TN