Kreu i KQZ-së, Ilirjan Celibashi ka urdhëruar largimin nga qendrat e votimeve të personave të paautorizuar, në rast të kundërt paralajmëroi se ndaj tyre do të ndërmerren masa ndëshkimore.
“Ka prani në ambiente të personave të paautorizuar, ne e konsiderojmë si intimidim dhe presion ndaj është rasti që autoritetet ligjzbatuese nga Policia apo KZQZ dhe KQV ta adresojnë dhe të merren mesat përkatëse. Është e papranueshme që qytetarë nuk ka lidhje, të rrinë në ambientet e brendshme, duhet të boshatisen menjëherë dhe kushdo që refuzon, do duhet të mbajë përgjegjësi”, tha Celibashi.
Ai specifikoi se ky problem është ndeshur në 2 bashki. “Në Durrës dhe në Tiranë”, tha Celibashi, duke bërë me dije se bëhet fjalë për 7 qendra votimi.