Gjak, doreza plastike dhe një copë e bardhë janë gjetur në vendin ku u gjet trupi i pa jetë i Eraldo Nevruzit, 31-vjeçari u vra nga pronari i hotelit ku punonte.
Gerald Shehu e kishte planifikuar vrasjen e 31-vjeçarit Erald Nevruzi, i cili punonte si recepsionist në hotel ”Greccia”, që ishte edhe vetë bashkëpronar. Autori e ka marrë veçmas në një dhomë ku pushonte stafi, duke u kujdesur të justifikojë edhe mungesën e tij te vendi i punës.
Lexo edhe :
Related Posts
Më pas e ka ekzekutuar i vetëm dhe me mbështetjen e dy bashkëpunëtorëve: Daniel Qose dhe David Larti, zhdukën kufomën. Të tre e kanë zhveshur, i kanë marrë sendet personale, rrobat, dokumentet e identifikimit ja kanë djegur te furra e picerisë. Më pas e kanë mbështjellë me plastmasa dhe trupin e hodhën në një përrua, një zonë mes Gjipesë dhe Vunoit në Vlorë. Gjak, doreza plastike dhe një copë e bardhë janë gjetur në vendin ku u gjet trupi i pajetë.
Kanë qenë veprime të shpejta të policisë së Vlorës në bashkëpunim me Interpolin grek të cilët kanë shkëmbyer informacione duke bërë të mundur arrestimin e tij. Autori me viktimën konfirmohet se kanë pasur njohje në Angli dhe aty mund të ketë lindur konflikti që ka çuar në ekzekutimin e 31-vjeçarit. Autori me dy bashkëpunëtorët e arrestuar kishin 5 vite që punonin në të njëjtin hotel me njëri tjetrin.
Rreth orës 04:00 të mëngjesit të 6 qershorit, Shehu ka marrë mjetin e tij Audi A8 dhe është larguar për në Greqi përmes Qafë Botit. Mësohet se ka ndjekur itinerarin nga Himara- Kuç- Tepelenë – Delvinë- Sarandë deri në Qafë Botë ku ka kaluar kufirin. Ai është arrestuar në Korfuz teksa kishte prerë një biletë për të shkuar në Britani të Madhe.