Ishte viti 2002 kur euro u fut fizikisht dhe zyrtarisht në tregjet shqiptare, e nga ku bizneset, vetë qytetarët si dhe institucionet e kanë konsideruar si një nga valutat më të besueshme për të investuar, kryer transaksionet apo dhe për të kursyer. Tashmë në 21 vite më pas, euro ka pësuar një nënçmin krahasuar me lekun, e tendeca po shkon 1 euro me 100 lekë.
Por sa gati është Shqipëria për të patur euron si monedhë kombëtare?
Fakti që nuk jemi shtet pjesë e Bashkimit Europian, nuk e pengon që euro të jetë monedhë kombëtare. Ashtu sikundër ka shtete që nuk janë pjesë e Bashkimit Europian, dhe operojnë me euro, ka edhe nga ato shtete që janë pjesë e Bashkimit Europian dhe euron nuk e kanë monedhe kombëtare. Por cilat janë kriteret për t’u futur në eurozonë?
Së fundmi, iniciativën për të patur euron si monedhë kombëtare e bëri realitet Kroacia. Zëvendësimi i kunës me euron, ishte proces që nisi me evidentimin e çmimeve të dyfishta, të cilat u bënë të detyrueshme në të gjitha pikat e shitjes. / Scan