Gjimnastja amerikane Jordan Chiles duhet të kthejë medaljen e bronztë që fitoi në stërvitjen e dyshemesë në Lojërat Olimpike të Parisit. Kjo pasi Gjykata e Arbitrazhit për Sport, ka thënë se pikët e saj nuk janë vlerësuar si duhet. Lajmi është konfirmuar edhe nga Komiteti Olimpik Ndërkombëtar (IOC). Komiteti Olimpik Ndërkombëtar njoftoi herët të dielën se po rialokonte medaljen e bronztë tek Ana Barbosu e Rumanisë.
Komiteti Olimpik Ndërkombëtar ka thënë se do të jetë të kontakt me Komitetin Olimpik dhe Paralimpik të Shteteve të Bashkuara, për kthim mbrapsht të medaljes, dhe do të punojë me Komitetin Olimpik të Rumanisë për të diskutuar ceremoninë e nderimit të Barbosus.
Pas vendimit, legjenda rumune e gjimnastikës Nadia Comaneci tha se kishte frikë për shëndetin mendor të Barbosu për shkak të problemeve që iu desh të kalonte.
“Nuk mund të besoj se luajmë me shëndetin mendor dhe emocionet e atletëve, le t’i mbrojmë,”-postoi Comaneci në X më herët gjatë javës.