Edona Bilali, ministër i Shtetit për Mbrojtjen e Sipërmarrjes ka folur për situatën e Partisë Socialiste në Shkodër. Ish-drejtuesja politike e PS-së në qarkun Shkodër, pasi në vend të saj dje u emërua Elisa Spiropali, thotë se një pakicë e vogël e anëtarëve socialistë të Këshillit Bashkiak po punojnë për interesat e veta. Ajo tha se nëse vazhdon kjo situatë ndaj tyre do të merren masa.
“Nuk është hera e parë ka mos-dakordësi për vendime të cilat duhen të merren brenda këshillit. Një pakicë sheh interesat e veta, jo të mirën publike. Ata nuk janë Partia Socialistë as kjo qasje nuk është qasje e PS-së në Shkodër.
PS-ja nuk do të vinte kurrë interesin e qytetarëve para një interesi partiak. Në rastin konkret nuk ka interes partiak, se mos dhënia e ndihmës ekonomike është në kulmin e humanes dhe njerëzores. Revolta ishte për faktin e ndihmës ekonomike. Nuk duhet të bojkotosh mbledhjen. Një qasje e tillë nuk përfaqëson PS-në”, tha Bilali për “Euronews Albania”.