Deputeti demokrat Dashnor Sula është përplasur në një studio televizive me gazetarin Aleksandër Çipa, teksa tregonte se përse iu bashkua grupit mbështetës së dyshes Berisha-Bardhi.
Sula tha se si opozitë nuk mund të vazhdojnë të heshtin më, por Aleksandër Çipa, gjithashtu i ftuar në emision i tha se ata kanë heshtur dhe u shpërndanë në momentin që SHBA e shpalli “non grata” Berishën.
Pjesë nga biseda:
Dashnor Sula: Meqë u shpall “non grata” Sali Berisha, ne e gjithë opozita, ta mbyllim të gjithë gojën? Të mos bëjmë opozitë?
Aleksandër Çipa: Ju keni dy vite që e keni mbyllur. Ju u shpërndatë. Nga momenti që lindi kjo akuzë ju e shpërndatë këtë akuzë.
Dashnor Sula: Ka një rrugëdalje, unë prapë nuk besoj te Sali Berisha, por rrugëdalja është kandidati për kryeministër. Çfarë të bëjmë, të vazhdojmë të heshtim?