“Çmenden” çmimet e fruta- perimeve në treg! Ky fundvit çmime më të larta

Eksperiencat na kanë dhënë një mësim që duhet të blihet më herët, se po erdhën festat, do blesh më shtrenjtë. Në fakt buxheti i nuk është I mjaftueshëm, që të kenë rezerva për të blerë më përpara, ata presin rrogat e fund-vitit per të mbushur tryezën.
Dhjetori eshte ne fundin e tij, 1 ditë na ndan nga hyrja ne vitin tjetër, dhe tavolinat (shpesh) të stërmbushura me lloj-lloj pjatash traditë e shqiptarëve kanë kosto të lartë.
Gjel deti, sallatë ruse, sallatë çezar (së fundmi), patate të skuqura, por pak të “fishkura” meqënëse përgatitja e tyre ka filluar shumë herët, pak verë të kuqe dhe gotat më të mira që na janë pluhurosur në dollap, më në fund do i nxjerrim! Po e lë me kaq, për ta çuar fokusin tek një “pjatë” tjetër. Shumë prej jush u ka qëlluar të kenë poshtë shtëpisë një broshurë për produktet e shportës. Çdonjëra prej tyre pëson ulje. Diku drastike e diku më të lehtë. Joshëse padiskutim. Planet e para të pazarit në mendjen tonë sapo filluan.
Ja disa më kryesoret:
Lakra 70 lek kg (nga 50 lek më përpara)
Lakra e kuqe 120 lek kg
Mandarinat 80-100 lek kg
Mollët Çmimi varion sipas cilësisë 80 lek kg, 100 ose 120 lek kg.
Domatet- 80-120 lek kg
Kastraveci- 80-120 lek kg
Sallata jeshile-240 lek kg
Brokoli- 150 lek kg
Ullinj -250 lek cilësia më e mire
Shegët variojnë 120-150, por edhe 220 lek kg
Patatet- 60 lek kg
Qepët- 60 lek kg. Shpesh edhe 3 kg,100 lek
Speci jeshil- 80-100 lek kg
Speci i kuq 120- 150 lek kg
Karotat 80-100 lek kg
Patëllxhani- 150 lek kg
Konsumatori, marketet, tregu apo institucionet ligjzbatuese. Cili prej tyre do e fitojë “betejën”? A mund të dalin të gjitha palët të kënaqur? Krahasuar me muajin tetor 2018, rritja më e madhe e çmimeve vërehet në grupin “Ushqime dhe pije joalkoolike” me 4,0 %. Kështu bën të ditur raporti më i fundit i Institutit të Statistikave.