Lajme të shumta kanë qarkulluar në internet, të cilat vënë në pah rrezikshmërinë që ka përdorimi i ibuprofen, nëse jeni të infektuar me koronavirus. Krahas këshillave mjekësore, ka mjaft lajme që janë të rreme të cilat shtrembërojnë faktet.
Në një prononcim për BBC, disa mjekë thanë se ibuprofen nuk rekomandohet për lehtësuar simptomat e koronavirusit. Ndërsa për ata që marrin ibuprofen, për shkaqe të tjera që nuk kanë lidhje me koronavirus, nuk kanë arsye përse ta ndalojnë mjekimin. Por edhe në këtë rast më shumë mund të vlejë një konsultë me mjekun e familjes.
Paracetamoli dhe ibuprofeni, mund të ulin temperaturën. Por ibuprofen dhe ilaçet e tjera anti-inflamatore jo-steroide, nuk rekomandohen për të gjithë. Pasi mund të japin efekte anësore. Veçanërisht për ata persona që vuajnë me astmën, zemrën dhe tensionin.
Instituti i Shëndetit Publik, (NHS) pak kohë më parë rekomandoi që të përdoret paracetamoli apo ibuprofeni. Por këshillat kanë ndryshuar ndërsa aktualisht thuath se nuk ka prova që ibuprofen, të përkeqësojë shëndetin e atyre që janë infektuar nga Covid-19. “Konsumoni paracetamol nëse jeni të infektuar”, thuhet në sajtin e institutit.
Atëherë, çfarë dimë për ibuprofen dhe Covid-19?
Nuk ka pasur ndonjë studim mbi ibuprofen dhe koronavirus. Disa ekspertë besojnë se vetitë anti-inflamatore të ibuprofen mund të dobësojnë sistemin imunitar të trupit. Prof Parastou Donyai thotë se:
“Ka shumë studime që sugjerojnë se përdorimi i ibuprofen gjatë një infeksioni respirator mund të rezultojë në përkeqësim të sëmundjes ose , mund të shkaktojë komplikime të tjera. -dritare.net