Për shkak të rrethanave që po kalon vendi mbledhja e sotme e Këshillit të Bashkisë Mat është zhvilluar në mjete elektronike, online.
I mbështetur nga projekti “Bashki të Forta” këshilli mori në shqyrtim katër çështje dhe i miratoi ato me shumicë votash.
Kryetarja e Këshillit Bashkiak Elisa Gjasta dhe këshilltarët e tjerë vlerësuan kontributin që po japin qytetarët, antarët e këshillit bashkiak, kryetari i Bashkisë Agron Malaj dhe faktorë të tjerë për menaxhimin e situatës. Kryefjala e tyre ishte se vetëm vetëkarantimi është masa më efikase dhe më e dobishme për parandalimin e përhapjes së koronavirusit.
Fillimisht u miratua fondi 6 % për familjet që trajtohen me ndihmë ekonomike, së dyti këshilltarët ishin dakort të veçohen për situatën e krijuar nga Covid 19, 2.5 milion lekë, për dezinfektime dhe masa të tjera emergjente. Këshilltarët miratuan sakaq fonde për riparimin e mjeteve të Ndërmarrjes së Rrugëve dhe ndihmë financiare për disa nga familjet më në nevojë. /tirananews.al/
