Kandidati i Partisë Demokrate për postin e kryebashkiakut të Durrësit Luan Hoti reagoi pas publikimit të fotove të ish-kryetarit të Bashkisë së Durrësit Vangjush Dako, i cili u takua me qytetarë durrsakë të njësisë nr.6 në kuadër të zgjedhjeve të pjesshme lokale të 6 marsit. Në një mesazh të shkruar në Facebook, Hoti shton se fushata Dako-Sako (kandidatja për kryetare të bashkisë së Durrësit) ka si qëllim ta kthejë këtë qytet në “non grata” njësoj si ndalimi i Dakos nga SHBA për të hyrë në tokën amerikane.
Në kuadër të fushatës, Hoti shton se Partia Demokratiek do të luftojë që t’ua kthejë Durrësin qytetarëve duke theksuar se Dako dhe Sako po luftojnë për veten e tyre. ç
MESAZHI I LUAN HOTIT:
Fushata Dako-Sako për kryetar bashkie kërkon ta shndërrojë qytetin tonë në non grata si Dako.
Ne do të luftojmë që Durrësi t’u kthehet qytetarëve dhe t’u shërbejë vetëm qytetarëve. Ata po luftojnë për veten e tyre!
Në korrik të 2019, Departamenti Amerikan i Shtetit i ndaloi Vangjush Dakos dhe familjes së tij hyrjen në SHBA. Edhe pse përflitej se do të garonte në zgedhjet lokale të 30 qershorit 2019, ai u tërhoq nga gara.