Dalja e dhëmbëve është një jubile i veçantë në zhvillimin e foshnjës tuaj. Megjithëse shumica e prindërve në përgjithësi pajtohen se disa nga simptomat e mëposhtme janë paraqitur rreth kohës së daljes së dhëmbëve, rekomandohet që ju të bisedoni me pediatrin.
Irritueshmëria – Derisa dhëmbi i ri i afrohet sipërfaqes, mishi i dhëmbëve të fëmijës tuaj mund të bëhet shumë më i dhimbshëm dhe i pezmatuar, duke çuar në rënkime dhe qarje.
Jargëzimi– Nga muaji i tretë deri në të katërtin ju mund ta shihni foshnjën tuaj të fillojë të jargëzohet më shumë se zakonisht.
Kollitja – Sasia e shtuar e pështymës mund të bëjë që foshnja juaj të kollitet ose të shtrëngohet për të vjellë kohë pas kohe.
Puçrra në mjekër – Nëse foshnja juaj jargëzohet shumë, kontakti i vazhdueshëm me pështymën mund ta bëjë lëkurën rreth mjekrës dhe gojës të irrituar. Pastrojeni butësisht gojën dhe mjekrën e foshnjës.
Diarreja – Shkaktari më me gjasë i diarresë gjatë daljes së dhëmbëve është pështyma shtesë që tajohet dhe përpihet nga foshnja, që më pas del përmes jashtëqitjes. Lajmëroni mjekun nëse fëmija juaj ka pasur diarre për më shumë se tre herë radhazi, kur ka zbrazur zorrët.
Temperaturë të lehtë – Shumë prindër, vërejnë se fëmijët e tyre kanë një temperaturë lehtësisht të rritur gjatë kësaj periudhe. Kontaktoni mjekun tuaj nëse temperatura nuk është normale.
Nuk fle mirë – Ju mund të shihni se fëmija juaj zgjohet më shpesh gjatë natës. Shumica e prindërve pajtohen se zgjimi gjatë natës ndodh më shpesh kur ndodh dalja e dhëmbëve molarë (të pasmë).
Simptomat e ngjashme me atë të ftohjes (rrjedhje hundësh, p.sh.) – Rrjedhja e hundëve, kollitja dhe shenjat e përgjithshme të ftohjes.