Kryebashkiaku i Lezhës, Pjerin Ndreu dhe gazetari Basir Çollaku janë përplasur me njëri-tjerin lidhur me zhdukjen e dy të rinjve në Malësinë e Madhe. Sherri mes tyre ka nisur në momentin kur Ndreu mori fjalën në studion e “Open” dhe tha se sherri mes të rinjve sipas burimeve të tij ka nisur për 5 kg kanabis. Ndërkohë gazetari ka ndërhyrë dhe i ka kërkuar që të vënë një bast bashkë, pasi ai pretendon për një sasi 10-fish më të madhe.
SHERRI NË STUDIO:
Basir Çollaku: Do vëmë një bast a kanë 5 apo 50 kg kanabis? Meqë janë kthyer dhe kazinotë…
Pjerin Ndreu: Ky është debat banal. Arsyeja ka qënë droga.
Basir Çollaku: Qëndron tek 5 kilogrami?
Pjerin Ndreu: I kam të dhëna thashë, unë jam shumë korrent në të folur. Je konfuz…
Basir Çollaku: Jo, jam i qartë krejt. I qëndroni 5 kilogramësisht?
Pjerin Ndreu: Ti do të më intimidosh mua? Më lër o vëlla rehat. Sipas të dhënave të mia janë 5 kilogram. Ti nuk ke konceptin e të dhënës. Ti e ditke të gjithë ngjarjen. Fantasia jote duhet të jetë e vërteta këtu? Ore po flet gabim!