Debate të ashpra mes ministres së Brendshme, Albana Koçiu dhe deputetit të PD-së, Flamur Noka. Kjo e fundit tha se nuk e intimidonte dot deputeti.
Noka reagoi duke i thënë se o gënjente për çështjen e gjyqtarit Astrit Kalaja.
“Nuk më intimidoni dot. Kjo gjuhë e juaja ka krijuar këtë ngarkesë. Je duke drejtuar me gisht turp të kesh ti. Se me kaq vite sa ke ti, nuk duhej të fliste kështu. Shkollën e mesme, merr ti shkollën e lartë.”, tha ajo.
Ndërsa më herët ish-kryeministri Sali Berisha ka bërë një replikë në Kuvend, sa i takon deklaratave për vrasjen e gjyqtarit Astrit Kalaja. Ai tha se ministrja Koçiu doli zbuluar nga KLGJ, ndërsa ai e cilësoi ministren si mashtruese.
Berisha iu referua deklaratës së dhënë prej Koçiut se policia nuk ka asnjë lidhje me mbrojtjen në gjykata.
Deklarata e Koçiut erdhi pas vrasjes së gjykatësit Astrit Kalaja në sallën e gjyqit.
“Duartrokitjet tuaja pas zisë për gjykatësin tregon se fytyrat e keni maska dhe maskat fytyra. Sa i përket ministres, ajo ka bërë mashtrim publik, askush nuk mund të mbrojë një mashtruese, cfarëdo apoteoze t’i thurësh ajo është një mashtruese publike”, tha ai.