Në një artikull të publikuar nga BBC, shkruhet se një informacion në Santa Clara hedh poshte idenë që në SHBA vdekja e parë nga Covid-19 ka ndodhur më 26 shkurt në Seattle dhe më 4 mars në Kaliforni.
Të dhënat e një autopsie në Kaliforni kanë treguar se vdekjet nga koronavirusi kanë ndodhur shumë më parë se Covid-19 të bëhej i njohur zyrtarisht. Në një artikull të publikuar nga BBC, shkruhet se një informacion në Santa Clara hedh poshte idenë që në SHBA vdekja e parë nga Covid-19 ka ndodhur më 26 shkurt në Seattle dhe më 4 mars në Kaliforni.
Autopsitë mbi dy persona që vdiqën më 6 shkurt dhe 17 shkurt tregojnë se ndërruan jetë nga Covid-19. “Mostrat nga autopsitë u dërguan në Qendrat për Kontrollin dhe Parandalimin e Sëmundjeve (CDC), të cilat konfirmuan praninë e virusit,“- tha në një deklaratë, zyra e koronerit të Qarkut Santa Clara të Kalifornisë.
Vdekja e një individi të tretë Santa Clara në 6 Mars gjithashtu është konfirmuar të ketë lidhje me koronavirusin.
“Këta tre individë vdiqën në shtëpi gjatë një kohe kur testimi shumë i kufizuar ishte i disponueshëm vetëm përmes CDC,” -thuhet në deklaratë.
Në atë kohë, kriteret e CDC-së kufizonin testimin vetëm te njerëzit me një histori të njohur udhëtimesh dhe të cilët po shfaqnin simptoma specifike. Diku tjetër në Kaliforni, zyrtarët shëndetësorë nga Los Angeles konfirmuan një 1.400 raste të koronavirusit në atë qark, një rritje me gati 10% të numrit të përgjithshëm. Tani ka gjithsej 15.153 të prekur në Los Angeles.