Zbulohet qëndrimi i Athinës një ditë më parë në Komitetin e Përfaqësuesve të Përhershëm (COREPER) në Bruksel. “Tirana News” ka siguruar deklaratën që Greqia depozitoi dje në COREPER.
Në këtë deklaratë Athina zyrtare kushtëzon votën pro Shqipërisë me lejimin e betimit të kryetarit të zgjedhur të bashkisë së Himarës, Fredi Beleri.
“Greqia pret që Shqipëria të ndërmarrë hapa konkretë dhe masa të menjëhershme që Z. Beleri të marrë detyrën si dhe të respektohet e drejta për një proces të drejtë dhe për prezumimin e pafajësisë. Ndryshe Greqia nuk do të jetë në pozicionin që të mbështesë Shqipërinë në fazat e ardhshme në procesin e integrimit”, thekson Greqia.