“Nuk mund të jetoj me një person që po vdes dita-ditës”, ishte kjo deklarata e Dea Mishel që menjëherë “u pastrua” nga produksioni. Megjithatë shikuesit nuk e kanë humbur dhe kanë reaguar pas kësaj deklarate skandaloze. Familjarët e banores së “BBV” kanë reaguar me një Instastory, ku shkruajnë se komenti i saj ka qenë “dashamirës.”
“Në gjithë dramën e ndodhur mbrëmë, disa prej jush janë shprehur të revoltuar me komentet e Deas mbi situaten e Luizit. Si miq e familjare të Deas, duam të qartësojmë që deklaratat e saj janë nxjerrë jashtë kontekstit. Ne e përjetojmë situatën nga jashtë, kemi gjithë informacionin dhe lirinë e mundshme. Dea Jo! Asnjëri nga ne s’mund ta dijë e as ta imagjinojë si është të përjetosh në vetë të parë çfarë ndodhi mbrëmë. Nëse jeni tronditur ju ne shtëpitë tuaja, merreni me mend sa janë tronditur banorët. Çdokush ka mënyrën e tij se si i përballon situatat dhe traumat e caktuara dhe në një moment që ngarkohemi emocionalisht mund të zgjedhim fjalët e gabuara për të shprehur gjithë ndjesitë që na mbërthejnë. Duke njohur Dean dimë që komentet e saj vijnë me dashamirësi. Synimi i saj ishte që Luizi të kurohet e të bëjë më të mirën për veten e tij, pavarësisht nëse shqetësimi është fizik apo psikologjik paralelisht duke mos injoruar frikërat dhe pasiguritë e saj në lidhje me këtë situatë të pazakontë që u krijua. Kështu që le të bëjmë përpara me dashamirësi. Gara është ende në fillimet e saj”.
