Pas takimit mes delegacionit të PE dhe Opozitës së Bashkuar, Basha është shprehur se shqetësimi i ndërkombëtarëve është stabiliteti i vendit dhe për këtë zgjidhje është largimi i Ramës.
‘Dua të falënderoj eurodeputetët për mundësinë që i dhanë opozitës për te treguar gjendjen në të cilën ndodhet Shqipëria. Një nga problemet më të mëdha që ka vendi është mungesa e informacionit. Ishte me rëndësi që të flisnim hapur dhe shkoqur me miqtë tanë dhe t’u shpjegonim atyre gjendjen ku ndodhet vendi dhe se opozitës nuk i është lënë asnjë mundësi tjetër ose të bëhet njish me krimin dhe oligarkinë ose t’u tregojë shqiptarëve se ky sistem ka rënë. Shqetësim i ndërkombëtarëve është stabiliteti i vendit. Zgjidhja është largimi i Ramës, zgjedhje te parakohshme dhe qeveri tranzitore.
Unë nuk merrem me komente të deklaratave të misioneve të huaja. S’më intereson fare po të them. Kjo qeveri ka marrë peng fatet e shqiptarëve me niçet e krimit dhe po rrezikon edhe stabilitetin e rajonit”, tha Basha