Partia Demokratike do të zhvillojë protestën e radhës para Kryeministrisë, e cila është e dyta brenda muajit dhe e pesta në total, pasi tre janë zhvilluar para parlamentit.
Policia nuk i ka dhënë leje PD-së, por në anën tjetër ka marrë masa për të shmangur incidentet, ndërkohë që skenari i opozitës ende nuk dihet nëse do të ketë dhunë si në 16 shkurt. Pak orë para protestës, njëri nga anëtarët e FRPD-së, Erald Shulla ka publikuar një foto ku duken disa arka me kastraveca, ndërsa i shoqëron me statusin ‘Gati për protestë nesër’.
Nuk dihet nëse kastravecat janë vërtetë pjesë e skenarit në protestë apo është publikuar me ironi nga demokrati. Kujtojmë që në protestën e 16 shkurtit hyrjes së kryeministrisë iu vendos flaka, ndërsa u dëmtua me mjete të forta.
Add A Comment