Një gjykatë në Honduras ka dënuar me 58 vite burg ish-zonjën e parë, Rosa Elena Bonilla. 52-vjeçarja u shpall fajtore për shpërdorim të 779 mijë dollarëve nga fondet publike dhe donacionet ndërkombëtare përgjatë 4 viteve (2010-2014) që bashkëshorti i saj, Porfirio Lobo, ishte në pushtet.
Prokurorët thanë se ajo i kishte përdorur paratë për të blerë stoli të çmuara, paguar fatura mjekësore dhe për shkollimin e fëmijëve të saj. Ndërsa avokati i saj mbrojtës tha se Bonilla ishte e pafajshme dhe do ta apelonte vendimin.
Bonilla u arrestua në vitin 2018 pas një hetimi lidhur me zhdukjen e parave nga fondet publike, përfshirë një buxhet që ishte ndarë për t’u blerë këpucë fëmijëve të varfër nga Hondurasi.
Kjo nuk është hera e parë që një anëtar i familjes Lobo dënohet me burg. Në vitin 2017, djali i madh i Poririo Lobo, Fabio, u dënua me 24 vite burgim pasi pranoi se kishte planifikuar të importonte kokainë në SHBA.