Sot është një ditë e veçantë për të gjithë fëmijët që ulen në bangat e shkollave për të nisur këtë vit arsimor me sukses. Në këtë ditë të rëndësishme nuk do të mungonin edhe urimet e deputeteve shqiptare për fëmijët e tyre, të cilët nisin një vit të ri shkollor si të gjithë fëmijët e tjerë në të gjithë Shqipërinë.
Deputetet si Ermonela Felaj, Elisa Spiropali, por edhe ish-deputetja Silva Caka kanë postuar në rrjetin e tyre social Facebook, urimet për fëmijët e tyre në këtë ditë të veçantë. Gjithashtu, deputetet e kanë bashkangjitur këtë urim edhe me foto të fëmijëve, të cilët duken shumë entuziastë dhe të lumtur, që ky vit i ri shkollor të jetë sa më i suksesshëm për ta.
Ermonela Felaj shkruan në postimin e saj: “Dita e parë e shkolllës, ajo e klasës së parë, por jo vetëm, të gjitha kanë emocionin dhe bukurinë e tyre; një start i ri, i mbushur me energji dhe plot ëndërra që shoqërojnë rritjen ditë pas dite dhe vit pas viti! Suksese Hera ime në Kl e 9, suksese shkollës “Kosova” dhe gjithë nxënësve dhe mësuesve në të gjithë Shqipërinë!”.
Elisa Spiropali shprehet: ”Ju vaftë mbarë zemra e mamit, ty dhe gjithë fëmijëve të Shqipërisë!” .
Gjithashtu, edhe Silva Caka shkruan: ”Biri ynë i mirë shkoi sot në klasë të parë . I uroj shpirtit tim dhe gjithë fëmijëve të shqiptarëve, një vit shkollor sa më të mbarë dhe shumë suksese! Zoti qoftë me ju në çdo hap!”.
