Deputeti i PS-së, Etjen Xhafaj debatoi me ish-deputetin demokrat Aldo Bumçi debatuan në emisionin ‘Now’ lidhur me atentatin me tritol ndaj kreut të PD në Vaun e Dejës. Sipas Bumçit, mazhoranca ka nisur një sulm për të vrarë opozitën dhe tani me një sulm me fizik me tritol ndaj kreut të PD.
Xhafaj iu përgjigj akuzave se atentati është organizuar nga mazhoranca teksa theksoi se PS nuk do kishte asnjë interes politik të kryente një akt të tillë.
“Kjo është tërësisht konspiracionale, jemi gjitmonë para të njëjtës akuzë. E para, ky akt duhet zbardhur nga organet ligjzbatuese, duhet të ndjekim linjën logjike: çfarë sensi do kishte eliminimi fizik i kreut të PD në një nga 61 bashkitë? E njëjta gjë ndodhi në Kavajë në 2021, ku erdhi e gjithë opozita dhe dolën duke thënë që e kishin bërë kushërinjtë e kryeministrit. Dhe pastaj kur u verifikua gjithçka nuk doli e tillë historia”, tha Xhafaj