Deputeti i PD, Kreshnik Çollaku ka postuar një status në rrjetin e tij social, ku ka publikuar foto të makinës së tij të gërvishtur.
Sipas Çollakut, ka qenë komshiu i tij ai i cili i ka gërvishtur makinën para se të nisej për në Kuvendin Kombëtar të PD.
Postimi i Plotë:
Komshiu im sot, para se të shkonte në Kuvend..e gjeti frymëzimin te makina ime.
Luftë klasash muhabeti.
Megjithëse ia fal, se nipi për dajën bën dhe më shumë se kaq.
I duhet dhënë një bojë tani.
Kreshnik Çollaku ka qenë një prej 35 deputetëve të grupit parlamentar të partisë Demokratike të cilët zgjodhën që të mos merrnin pjesë në kuvendin e sotëm të PD, ku u shpall data për zgjedhjen e kryetarit të ri dhe gjithashtu u votua për anëtarët e Këshillit Kombëtar.
