Deputetja e PS-së, Blerina Gjylameti informon se ka marrë pjesë në takimin e Komitetit të Asamblesë Parlamentare të Këshillit të Evropës për Ballkanin Perëndimor, që u mbajt në Beograd.
Gjylameti bëri të ditur se gjatë takimit u diskutua mbi sfidat rajonale dhe bashkëpunimin për sigurinë, ekonominë dhe energjinë. “Integrimi në Bashkimin Evropian është kyç për të ardhmen dhe stabilitetin e Ballkanit”, u shpreh Gjylameti.
Për të Shqipëria ka bërë disa hapa përpara krahasuar me vendet e tjera dhe pret të mbajë konferencën e dytë ndërqeveritare me Bashkimin Evropian më 15 tetor.