Një ditë më parë kryeministri Edi Rama në mbledhjen e grupit parlamentar socialist paralajmëroi ndryshime drastike në Kodin Penal. Një ndër pikat ishte dhe ajo e dhunës ndaj mjekëve, policëve, dhunës në futboll, por ajo që nuk e dinim ishte dhe dhuna ndaj mësuesit.
Këtë fakt e bën të ditur ministrja e Arsimit Besa Shahini me një status të postuar në Facebook. Ajo përmend një rast të ndodhur pak ditë më parë, dhe bën të ditur se Kodi Penal i Shqipërisë do të ndryshojë dhe për dhunën ndaj mësuesve.
Lexo edhe- Nga siguria ushqimore, te dhuna dhe lojërat e fatit, ja çfarë ndryshon në Kodin Penal
“Për rastet e dhunës si ky apo ato ndaj mjekëve, policëve dhe kujtdo punonjësi tjetër që mundohet t’i shërbejë qytetarëve me punën e tij, kemi nisur paketën e re të ndryshimeve në kodin penal, e cila do të votohet në seancën plenare të radhës. Qëllimi është që dënimi të jetë i përshtatshëm dhe të shërbejë si parandalues i akteve pa sens të dhunës!”, shkruan ministrja Shahini.