KOSOVË- Një kadet i Policisë së Kosovës është arrestua në Lipjan, pasi bëhet me dije se ai ka dhunuar një vajzë. Gjithashtu lajmin e ka bërë të ditur zëdhënës i Inspektoratit të Policisë së Kosovës, Arbër Beka. Ndërkohë Beka tha se si pjesë e procedurës për ngjarjen është njoftuar AKSP dhe PK.
“Hetuesit e IPK-së janë njoftuar nga Policia lidhur me këtë rast. Me të pranuar njoftimin kanë shkuar në Stacionin Policor Lipjan DRP-Prishtinë, dhe kanë ndërmarrë veprimet fillestare hetimore për të cilat është njoftuar Prokurori i Shtetit (prokurori kujdestar). Pas prezantimit të të gjeturave të hetimit deri në atë fazë të hetimit, hetuesit e IPK-së kanë arrestuar të dyshuarin (kadetin policor), për të cilin Prokurori i Shtetit ka lëshuar aktvendim për caktimin e masës së ndalimit për 48 orë me dyshimin e kryerjes se veprës penale “Dhunimi” nga neni 277 të KPRK-së”, tha Beka.
Sakaq policia e Kosovës ka njoftuar se se një vajzë ishte zhdukur dhe se rastin e kishte lajmëruar babai i saj.
“Fsh. Konjuh, Lipjan 30.06.2024-21:15. Një mashkull kosovar, ka raportuar se vajza e tij e mitur është larguar nga shtëpia dhe nuk kanë njohuri për vend ndodhjen e saj”, njoftoi policia.